എൽ പി വിഭാഗം വിദ്യാർത്ഥികൾക്കുള്ള "വഴികാട്ടി" വർക്ക് ഷീറ്റ് പഞ്ചായത്ത് തല വിതരണോദ്‌ഘാടനം പഞ്ചായത്ത് പ്രസിഡന്റ് ശ്രീ എൻ സി ഉസൈൻ മാസ്റ്റർ എളേറ്റിൽ ജി എം യു പി സ്കൂൾ വിദ്യാർത്ഥിനിക്ക് നൽകി നിർവഹിച്ചു. വാർഡ് മെമ്പർ ആഷിക് റഹ്മാൻ, ഹെഡ്മാസ്റ്റർ അബ്ദുൽ ഷുക്കൂർ, സി ആർ സി കോർഡിനേറ്റർ അബ്ദുൽ ഖയ്യൂം, പ്രജില കുമാരി ടീച്ചർ എന്നിവർ പങ്കെടുത്തു.
ഓണാഘോഷം 2020
ജി .എം.യു പി സ്കൂൾ എളേറ്റിൽ 2020 - 21 വർഷത്തെ ഓണാഘോഷം , ആഗസ്റ്റ് 30, 31 തിയ്യതികളിലായി നടന്നു. കൊ വിഡ് 19 മഹാമാരിയുടെ പശ്ചാത്തലത്തിൽ സ്കൂളിൽ ഒന്നിച്ചു ചേർന്ന് ഓണം ആഘോഷിക്കാൻ സാധിക്കാതെ വന്നതിനാൽ ഓണവുമായി ബന്ധപ്പെട്ട വിവിധ കലാപരിപാടികളുടെ വീഡിയോ വിദ്യാർത്ഥികൾ അയച്ചു തരികയും അതിൽ മികച്ചവ രണ്ടു ദിവസങ്ങളിലായി സ്കൂൾ യൂട്യൂബ് ചാനലിൽ അപ് ലോഡ് ചെയ്യുകയും ചെയ്തു.ഓണവില്ല് എന്ന് പേരു നൽകിയ പരിപാടിയിൽ അതിഥികളായത് ശ്രീ. ജലീൽ.പരപ്പനങ്ങാടിയും ശ്രീ. വിനോദ് പാലങ്ങാടുമാണ്. ഓണവുമായി ബന്ധപ്പെട്ട് വിദ്യാർത്ഥികളും അധ്യാപകരും നിരവധി കലാപരിപാടികൾ അവതരിപ്പിച്ചു. ഓണത്തിൻ്റെ പ്രാധാന്യം , ഐതിഹ്യം , ഓണപ്പൂക്കളം , ഓണസ്സദ്യ , ഓണത്തെയ്യം , ഓണക്കളികൾ , ഓണപ്പാട്ടുകൾ എന്നിങ്ങനെ ഓണപ്പെരുമ വിളിച്ചോതുന്ന നിരവധി പരിപാടികൾ ഇതിൻ്റെ ഭാഗമായി വിദ്യാർത്ഥികളും അധ്യാപകരും അവതരിപ്പിച്ചു.
ശാസ്ത്ര ക്ലബ്ബ്‌ ഉത്ഘാടനം
ജി എം യു പി സ്കൂൾ എളേറ്റിൽ ശാസ്ത്ര ക്ലബ്ബ്‌ ഉത്ഘാടനം ശാസ്ത്രാധ്യാപകനും കാസർഗോഡ് ജില്ലാ ശാസ്ത്ര സാഹിത്യ പരിഷത്ത് മുൻ പ്രസിഡന്റുമായ ശ്രീ. പ്രദീപ് കൊടക്കാട് (ഓൺലൈ ൻ)നിർവഹിച്ചു.
ഹെഡ്മാസ്റ്റർ ശ്രീ അബ്ദുൽ ഷുക്കൂർ അധ്യക്ഷത വഹിച്ചു. എൻ കെ മുഹമ്മദ്, എം വി അനിൽ കുമാർ, വി കെ മുഹമ്മദലി, കെ അബ്ദുൽ ലത്തീഫ്, സിജില ടീച്ചർ, ഹൈഫ ഫാത്തിമ, എം ടി അബ്ദുസ്സലിം എന്നിവർ ആശംസകൾ നേർന്നു. ക്ലബ് കൺവീനർ ഷീല സ്വാഗതവും എം സുജാത നന്ദിയും പറഞ്ഞു
കുട്ടികളിൽ കൗതുകവും ശാസ്ത്രചിന്തയും ഉണ്ടാക്കുന്ന ലഘു പരീക്ഷണങ്ങളിലൂടെ നടത്തിയ ഉദ്ഘാടനം ശ്രദ്ധേയമായി.
